رواں سال کا آخری سورج گرہن کب ہوگا؟

 اسلام آباد ( 24نیوزاُردو) رواں سال کا دوسرا اور آخری سورج گرہن 25 اکتوبر کو ہوگا، پاکستان میں جزوی طور پر سورج کو گرہن لگے گا اور اس کا دورانیہ 2 گھنٹے ہوگا۔



تفصیلات کے مطابق ماہر فلکیات ڈاکٹر جاوید اقبال کا کہنا ہے کہ رواں سال کا دوسرا اور آخری سورج گرہن 25 اکتوبر کو ہوگا، پاکستان میں جزوی طور پر سورج کو گرہن لگے گا۔ 

ماہر فلکیات کا کہنا ہے کہ گرہن کا آغاز پاکستان میں سہ پہر 3 بج کر 57 منٹ پر ہوگا، اختتام 5 بج کر 56 منٹ پر ہوگا، سورج کو جزوی گرہن 5 بج کر 2 منٹ پر لگے گا جس کے بعد سورج کا ایک حصہ گہرا ہو جائے گا۔ 

ڈاکٹر جاوید اقبال کے مطابق جزوی سورج گرہن کا دورانیہ 2 گھنٹے ہے، جزوی سورج گرہن پاکستان سمیت یورپ، ایشیا اور شمال مشرقی افریقہ کے حصوں میں دیکھا جائے گا۔ انہوں نے کہا کہ اگلے سال کا پہلا مکمل سورج گرہن 20 اپریل 2023 کو ہوگا، آنے والے سال کا مکمل سورج گرہن پاکستان میں نظر نہیں آئے گا۔

ایک تبصرہ شائع کریں

0 تبصرے