مرد گنج پن سے کیسے بچ سکتے ہیں؟

  صحت ( 24نیوزاُردو ) بال  کسی بھی انسان کی شخصیت کی خوبصورتی میں اہم کردار ادا کرتے ہیں، روکھے اور بے جان بال پوری شخصیت کا تاثر خراب کرتے ہیں جبکہ اکثر مردوں میں گنج پن بھی ان کی شخصیت کا تاثر گھٹا دیتا ہے۔



ماہرین صحت کا کہنا ہے کہ پروٹین اور آئرن سے بھرپور غذا کا استعمال ممکنہ طور پر بالوں کو شیمپو میں موجود نقصان دہ کیمیکلز سے محفوظ رکھتا ہے جبکہ مرد حضرات کو تو یہ غذا بال گرنے سے چھٹکارہ پانے میں بھی مدد فراہم کرسکتی ہے۔

امریکا کی اوہائیو اسٹیٹ یونیورسٹی کی ایک ماہرِ امراض جلد ڈاکٹر سوزین میسک نے اس بات پر زور دیا ہے کہ مردوں کو اپنی غذا میں انڈے، بیف، چنے، لوکی کے بیج اور سیاہ لوبیا شامل کر لینا چاہیئے۔

انہوں نے بتایا کہ غذا میں اضافی پروٹین بالوں کے غدود کو بڑھنے میں مدد دیں گے جبکہ اضافی آئرن کی مدد سے ریڈ بلڈ سیلز زیادہ مقدار میں آکسیجن خلیوں تک لے جاسکیں گے۔

ماہرین نے اس سے قبل ایسے شیمپو کے استعمال سے بھی خبردار کیا تھا جن میں سلفیٹ اور فورمل ڈی ہائیڈ ہوتا ہے۔

سلفیٹ تقریباً ہر شیمپو میں ہی موجود ہوتا ہے جس کی وجہ سے شیمپو سفید جھاگ بناتا ہے جبکہ فورمل ڈی ہائیڈ ایک کلیننگ ایجنٹ ہوتا ہے جو کہ بیکٹیریا کو مارنے میں مدد کرتا ہے۔

ماہرین صحت کے مطابق یہ اجزا بالوں کے لیے نقصان دہ ہیں اور بالوں کے گرنے کے عمل میں اضافہ کر سکتے ہیں تاہم، ان کی تصدیق کے لیے تحقیق کی ضرورت ہے۔

ایک تبصرہ شائع کریں

0 تبصرے