فائیو جی ٹیکنالوجی پرندوں کی موت کا سبب؟ پر اسرار ہلاکت کی ویڈیو وائرل

 


ٹیکنالوجی  (24 نیوز اردو) آسمان پر اڑتے پرندوں کا ایک ریوڑ اچانک سے زمین پر آگرا جس کے نتیجے میں درجنوں پرندے ہلاک ہوگئے۔

سوشل میڈیا پر ایک ویڈیو وائرل ہورہی ہے جس میں دیکھا جاسکتا ہے کہ آسمان پر اڑتے پرندوں کا ایک جُھنڈ اچانک سے ایک گھر کی چھت سے ٹکرا جاتا ہے جس کے نتیجے میں درجنوں پرندے نیچے گرجاتے ہیں جب کہ باقی واپس سے ریوڑ کے ساتھ اڑ جاتے ہیں۔

وائرل ہونے والی ویڈیو شمال امریکی شہر میکسیکو کی ہے جہاں پیلے سر والے کالے پرندوں کا ایک ریوڑ تیزی سے آتا ہے اور گھر کی چھت سے ٹکرا کر واپس اڑ جاتا ہے لیکن اس دوران درجنوں پرندے نیچے گرجاتے ہیں اور وہی پر ہلاک ہوجاتے ہیں۔

اس دوران گلی میں لگے سیکیورٹی کیمرے میں سارا منظر ریکارڈ ہوجاتا ہے جو بعد ازاں کوئی سوشل میڈیا پر پوسٹ کردیتا ہے اور وائرل ہوجاتا ہے۔

مقامی خبرایجنسی کے مطابق علاقہ مکینوں نے جب درجنوں پیلے سر والے کالے پرندوں کو زمین پر مردہ حالت میں دیکھا تو انہوں نے پولیس کو طلب کرلیا ، جنہوں نے کہا کہ ہمیں اس حوالے سے متعدد فون کالز موصول ہوئی ہیں۔

پرندوں کی پراسرار ہلاکت سے متعلق وائرل ویڈیو کو 1.4 ملین بار ٹوئٹر پر دیکھا جاچکا ہے اور اسے فیس بک پر بھی شیئر کیا گیا ہے جہاں ویویز کی تعداد بھی لاکھوں میں ہے۔

دوسری جانب صارفین کی جانب سے بھی سوال اٹھائے جارہے ہیں کہ ان پرندوں کی موت کیسے واقع ہوئی ، البتہ پرندوں کی پراسرار ہلاکت سے متعلق کچھ پتہ نہیں لگایا جاسکا۔

کچھ سوشل میڈیا صارفین کی جانب سے پرندوں کی پر اسرار ہلاک کی وجہ ، فائیو جی ٹیکنالوجی کو قرار دیا جارہا ہے۔

ایک تبصرہ شائع کریں

0 تبصرے